fredag 9. oktober 2015

Litt av kvart frå verkstaden

Eg har ein liten snekkarverkstad som eg har byggt opp gjennom åra. I dag har eg det meste av det som trengs av verktøy for å kunne lage kva som helst.
Det går i ein del vogger, både dokkevogger og babyvogger. Utover dette så likar eg å snekkre og skape ting med hendene.
Det har mellom anna blitt ein del dreiing. Under ser du bilete av ein del eg har laga.




 Fat, rosemåla av Roar Steinnes





tirsdag 8. september 2015

Montering av autopilot i min Saga 29

Då eg fyllte 70 år i sommar fekk eg autopilot i gåve frå slekt og venner. Pris ferdig montert kom på ca. kr. 22000,-  Autopiloten vart bestilt hos Sigurd Solberg i Florø slik at den låg i posten då eg og kona mi kom heim frå ferie. Hos Solberg fekk eg god hjelp til å berekne  kva slags type pilot eg måtte ha for at den skulle stemme med dataene på båten.
Under vil eg ved hjelp av tekst og bilder prøve å synleggjere at det ikkje er all verden å gjere denne jobben sjølv.
Følglande vart bestilt:
- Raymarine EVOLUTION EV 1
- Raymarine ACU-200
- RaymarineType1 Hydra pumpe.
- Div. SeaTalk ing kablar, T-stykker etc.

Vel heime var det berre å kome igang. Det fyrste eg måtte gjere var å lese meg opp på monteringsbeskrivelsem frå Raymarine. Den var både på Norsk og Engelsk. Så var det berre å sette i gong.
1. Plassering av kompass.
Her fant eg ein høveleg plass under trappa, ned til sovelugar og toalett. Denne plasseringa er rimeleg langt frå magnetiske felt.

2. Plassering av EV-200 dataunit.
Her fant eg plass på skottet under dørken, under styrestolen. Dette er eit tørt sentralt rom for denne Uniten.

3. Plassering av pumpe.
Denne fant eg plass til på riggen foran styrecylinderen. Eg måtte lage ein festebrakett som pumpa står på. Så var det berre å koble den eine komponenten til den andre. Frå pumpa til EV-200 strekte eg 4 m2 kabel, slik at straumen får løpe fritt. Mellom kompasset og EV-200 er det Sea-Talk-ing kabel påmontert T-stykker.Viktig!! I enden av Sea-Talking kabelen må det monterast ein Terminator. 

Så var det og koble røra frå pumpe til styrecylinder. Her fekk eg svært god hjelp på Saga-fabrikken på Selje. Eg tok turen innom og dei leitte fram alt eg trengte for sluttkobling.

Alt oppkobla var det berre å ta fyrste turen.
Eg har tidligare montert inn ei A127 kartplottar, så alle funksjonar frå piloten kan styrast herifrå. På den måten slapp eg å kjøpe ekstra betjeningspanel. Eg gjekk gjennom innkøyringsprosedyrene og etter kvart så fungerte piloten heilt perfekt. EV1-kompasset er 9-aksa så det handterer båten i alle situasjonar. (det lærer båten å kjenne og fungerer deretter.)

Å reise på tur vart ei ny oppleving etter å ha fått montert inn plottaren. Etter vel 300 Nm i alle slags bårer, vindretningar og straumsjø, konstanterer eg at piloten fungerer perfekt. Spesiellt i sjø akterfrå og på låringa klarer piloten å styre betre enn det eg gjer manuellt. Kjempegreier.


Oversikt over styrecylinder og hydraulisk pumpe

Rorkult med påmontert rorfølar. Her måtte eg 
omarbeide litt frå orginalen, men det vart funksjonelt
og fint.

Pumpe påskrudd eigen brakett i lakkert stål
som er festa på ror-riggen.

ACU-200 styreeining.

EV1 - 9-aksa kompass plassert på skottet under trappa
 ned til lugar.

Piloten vert styrt frå skjermen på A127 kartplottar


fredag 27. februar 2015

Teakdekk akter på Saga 29.

Vår båt har teakdørk i salongen og teakdekk på badeplattforma akter. I uteromet har vi tepper på glasfiberdørken. Det er ei grei løysing men blir litt vanskeleg når ein skal ned i romet akter. Difor har eg bestemt med for å legge teakdekk også der. Dekket er produsert av Sandøy Båtdekk AS.

Dekket er vaska med rikeleg mengde rødsprit (1 l pr. 8 m2)  og olja med Ovatrol sin Teakolje. Har hatt på 3 strøk vått i vått. Etter 20 min tørka eg av oveflødig olje med ei lofri fille. Når dette tørkar skal eg slipe dekket med vannslipepapir nr 350 i olje og så gi det eit siste toppstrøk før legging. Oljen har eg kjøpt hos Sverre Eidsvik AS i Ålesund. Etter nermare undersøking fant eg same oljen hos Malia i Ørsta. Dei forhandlar Ovatrol

Prosessen blir dokumentert her.



Lukene på Sagaen er låsbare. Her må det gjerast ei endring for å få låsesylinderen gjennom teakdekket. Har vore i kontakt med Sagaboats og nye låsesylinderar er bestilt. 



02.03.15  Prøvelegging av ei dekksplate på bakre luke. Passar perdekt så no er det berre å vente på at temperaturen kjem på rundt 10 grader eller meir slik at det kan limast på plass. Har fått nye og lengre låsecylinderar frå Saga.   



onsdag 25. februar 2015

Ryggstøtte til min Yamaha Virago 125 cc, mod 1998

For eit år sidan kom min bror med ideen om å lage ryggstøtte også for føraren av motorsykkelen. Han har same sorten, så vi gjekk i gong med prosjektet. Fyrst no har eg fått ferdig min del av det, etter mange lovprisingar frå hans side over kor mykje betre det er å køyre sykkelen. Det ser og kjennest faktisk veldig bra. Ein kamerat av oss, som for øvrig har laga rørstøttene til alle tre sykklane, har også laga det på sin sykkel, så no er det 3 stk Yamaha Virago 125 som har ryggstøtte.
Eg synest at resultatet ikkje vart så verst.  Sjølvgjort er velgjort.



Etter ein køyretur på nokre mil fant eg snart ut at dette passa desverre ikkje min kropp. Det vart for kort avstand mellom setet og tanken. Eg er desverre for lang til dette. Det var ellers god støtte i ryggen. Ryggstøtta er dermed avmontert og eg ei erfaring rikare. :-)